კამექსი მომხმარებელს სთავაზობს მცირე და დიდ გაბარიატიანი ტვირთების ტრანსპორტირებას ამერიკის შეერთებული შტატებიდან, გერმანიიდან, თურქეთიდან, საბერძნეთიდან და ინგლისიდან საქართველოში. ასევე ვახორციელებთ კომერციული ტვირთების ტრანსპორტირებას ჩინეთიდან. კომპანია უმარტივებს ადგილობრივ მომხმარებელს შეიძინოს მათთვის სასურველი ნივთები მსოფლიოს ინტერნეტ მაღაზიებში და უზრუნველყოს მისი ტრანსპორტირება ყველაზე სწრაფად, იაფად და უსაფრთხოდ. 

მომსახურებით სარგებლობა შეუძლია ნებისმიერ ფიზიკურ  და იურიდიულ პირს, რომელიც გაივლის რეგისტრაციას კომპანიის ვებ–გვერდზე. რეგისტრაცია უფასოა.

ჩვენ გთავაზობთ მძიმე წონისა და დიდი გაბარიტების ტვირთების სწრაფ და ხარისხიან ავია ტრანსპორტირებას აშშ-დან ჩინეთიდან და ევროპიდან

კორპორატიული კლიენტები სარგებლობენ სპეციალური ტარიფებით. 

თუ შერჩეული ონლაინ მაღაზია არ იღებს გადახდას თქვენი ბარათით,შეგიძლიათ ისარგებლოთ "Camex"-ის მომსახურებით.100$-მდე ღირებულების საქონლის შეძენისას საკომისიო არის 5$, 100$-დან - შეკვეთის მთლიანი თანხის 5%. სერვისით სარგებლობისთვის გამოგვიგზავნეთ შერჩეული პროდუქციის ლინკები order@camex.ge-ზე ან შეავსეთ შეკვეთის ფორმა თქვენს ოთახში.ამ შემთხვევაში 50 ლარამდე შეკვეთაზე საკომისიო იქნება 5 ლარი,300 ლარამდე - 10%,300 ლარიდან - 5%.თუ მაღაზია არ აგზავნის პროდუქციას გადამზიდის მისამართზე (ეხება ამერიკის საწყობს), ამ შემთხვევაში შეკვეთის საფასურს დაემატება 18% საკომისიო, თუ შეკვეთა არის 100$-ზე ნაკლები. ხოლო თუ აღემატება 100$-ს , დაემატება 16% საკომისიო.

საქართველოში იმპორტირებული ნებისმიერი ტვირთი ექვემდებარება საბაჟო კონტროლს. კამექსი მომხმარებლების მიერ დეკლარირებული მონაცემების საფუძველზე აწვდის ინფორმაციას საბაჟო სამსახურს, რათა არ მოხდეს ტვირთის უმიზეზო შეფერხება. საქართველოს კანონმდებლობის თანახმად თუ ერთ მაღაზიაში შეძენილი ნივთის ღირებულება აღემატება 300 ლარს, ან გზავნილში მოთავსებულია 3 ან მეტი ერთგვაროვანი ნივთი, ან ამანათის წონა აღემატება 30 კგ-ს სავალდებულოა საბაჟო დეკლარაციის შევსება და საბაჟო მოსაკრებლის გადახდა. იმ შემთხვევაში თუ ამანათი ექვემდებარება განბაჟებას, კამექსი ამზადებს ყველა საჭირო დოკუმენტაციას. საბაჟო დეკლარაციის მომზადების ღირებულება არის ფასიანი

საკურიერო მომსახურება სრულდება საქართველოს ყველა რეგიონში, ამანათების გაცემიდან 2-3 დღის განმავლობაში. საკურიერო სერვისი რომ განხორციელდეს სწრაფად და შეუფერხებლად, აუცილებელია  ტრანსპორტირების თანხის გადახდა მოხდეს ამანათის საქართველოში გამოგზავნის პერიოდში და მომხმარებელმა მონიშნოს  საკურიერო მომსახურება და სასურველი ქალაქი ან სოფელი მის პირად ოთახში. ამანათის ადრესატისთვის ადგილზე მიტანა მოხდება პირად ოთახში მითითებულ მისამართზე. რეგიონებში კომერციული ტიპის, დიდგაბარიტიანი ტვირთების მიწოდებასთან დაკავშირებით წინასწარ დაუკავშირდით რეგიონის მენეჯერს.

კამექსის მომსახურებით სარგებლობა შეუძლია ნებისმიერ ფიზიკურ  და იურიდიულ პირს, რომელიც გაივლის რეგისტრაციას ჩვენს საიტზე და მიიღებს პირადი ოთახის ნომერს. პირადი ოთახის საშუალებით მომხმარებელს შეუძლია

• აკონტროლოს მის მიერ შეძენილი ნივთის ადგილმდებარეობა
• მოახდინოს შეძენილი ნივთების დეკლარირება, შეავსოს ბალანსი და გადაიხადოს ტრანსპორტირების ღირებულება. 
• აირჩიოს ამანათის გაცემის პუნქტი ან საკურიერო მომსახურება

ამანათები თბილისის ოფისებში გაიცემა სამუშაო საათების პერიოდში.
რეგიონებში გზავნა ხორციელდება ხუთშაბს, შესაბამისად ამანათების გაცემა ოფისებიდან დაიწყება პარასკევს.

ოფისების მუშაობის გრაფიკი შეგიძლიათ იხილოთ საკონტაქტო მონაცემების გვერდზე.

კამექსი პასუხისმგებლობას არ იღებს ავიარეისების ფორსმაჟორული სიტუაციების ან დღესასწაულებთან დაკავშირებული დაგვიანებების გამო, რაზეც მომხმარებელს წინასწარ ეცნობება კომპანიის ვებ გვერდის ან ელ-ფოსტის საშუალებით.