მომხმარებელთა საყურადღებოდ!

2023  წლის 18 აგვისტოს შპს “კამექს ინტერნეიშნლ“-ს ( შემდგომში „ კომპანია“)  და საქართველოს კონკურენციის ეროვნული სააგენტოს შორის გაფორმდა  „ შეთანხმება შპს “კამექს ინტერნეიშნლის“ მიერ პირობითი ვალდებულების აღების თაობაზე“ ( შემდგომში „შეთანხმება” ).  შპს “კამექს ინტერნეიშნლ“ აღნიშნული შეთანხმებით იღებს ვალდებულებას, კანონის სავარაუდო დარღვევის აღმოსაფხვრელად განახორციელოს  რიგი ღონისძიებები. კანონის სავარაუდო დარღვევა უკავშირდება  ამანათების ამერიკის შეერთებული შტატებიდან საქართველოში პროდუქციის ტრანსპორტირების ღირებულების გამოთვლის წესის შეცვლას, რომელიც ძალაში შევიდა 2022 წლის 10 დეკემბერს, ხოლო აღნიშნულის შესახებ ინფორმაცია გავრცელდა 2022 წლის 28 ნოემბერს, რომელსაც შესაძლოა ვერ გაეცნო კომპანიის ყველა მომხმარებელი  სათანადოდ. შეთანხმებით, მომხმარებლებს, რომლებმაც 2022 წლის 27 ნოემბრიდან 2023 წლის 2023 წლის 14 აგვისტოს ჩათვლით შეიძინეს ამანათები (იგულისხმება მომხმარებლის მიერ შეძენილი ნივთი),  გადამზიდ-ექსპედიტორ კომპანიად მიუთითეს შპს „კამექს ინტერნეიშნლი“, წარმოადგენენ  შეთანხმების 1.4. პუნქტით გათვალისწინებულ პირებს, არ მიეკუთვნებიან შეთანხმების 1.8. პუნქტით გათვალისწინებულ პირებს და ამანათების ამერიკის შეერთებული შტატებიდან საქართველოში ტრანსპორტირების ღირებულება დაუანგარიშდათ მოცულობითი წონის მიხედვით, ტრანსპორტირების ღირებულება  დაუანგარიშდებათ  და ღირებულების გადახდა მოხდება ამანათის რეალური წონის მიხედვით.

 შეთანხმება არ ვრცელდება იმ მომხმარებლებზე:

·       რომლებიც შპს „კამექს ინტერნეიშნლის“ მომხმარებლად დარეგისტრირდნენ 2022 წლის 28 ნოემბრიდან;

·       რომელთა ამანათის მოცულობითი წონა აღემატება 25 კგ-ს .

·        1.8.3. რომლებსაც სათანადო წესით (რაც დადასტურდება შესაბამისი მტკიცებულებებით) გონივრული ვადით ადრე ეცნობათ ტარიფის დაანგარიშების წესში ცვლილების შეტანის შესახებ.

·       რომლებმაც  2022 წლის 28 ნოემბრიდან  2023 წლის 14 აგვისტომდე ისარგებლეს მოვაჭრის მომსახურებით, რომლითაც მათთვის ცნობილი გახდა მოცულობითი წონის დათვლის პრინციპი  და შემდგომ ისევ განახორციელეს  მოვაჭრის მომსახურებით სარგებლობა.

·        რომლებსაც 2022 წლის 10 დეკემბერის ცვლილებით გათვალისწინებული ინფორმაცია- მოცულობითი წონით დათვლის პრინციპის თაობაზე  მიეწოდათ  ამანათის გამოგზავნამდე, ინდივიდუალურად, სატელეფონო კომუნიკაციის ან/და  სხვა საკონტაქტო  საშუალებით, მათ შორის სოციალური ქსელით.

გთხოვთ, შეთანხმების შესახებ დეტალური ინფორმაცია იხილეთ აქ.

თუ, მიგაჩნიათ,  რომ მიეკუთვნებით შეთანხმებით გათვალისწინებულ  პირს,  გთხოვთ, 2023 წლის 18 ოქტომბრამდე შეავსოთ  შპს“კამექს ინტერნეიშნლ“-ის ვებგვერდზე განთავსებული განცხადების ფორმა. განცხადების დაკმაყოფილების შემთხვევაში,  მომხმარებელისთვის თანხის ანაზღაურება მოხდება შეთანხმებით გათვალისწინებული წესით.